അഗസ്റ്റിൻ

Name in English: 
Augustine

മലയാള ചലച്ചിത്രനടൻ.1955 ജൂലൈ 30 ന് കുന്നുമ്പുറത്ത് മാത്യുവിന്റെയും,റോസിയുടെയും മകനായി കോഴിക്കോട് ജില്ലയിലെ കോടഞ്ചേരിയിൽ ജനിച്ചു. അഗസ്റ്റിൻ തന്റെ അഭിനയജീവിതത്തിന് തുടക്കം കുറിച്ചത് നാടകവേദികളിലൂടെയാണ്. നാടകങ്ങളിലെ തന്റെ അഭിനയപാടവം അഗസ്റ്റിന് സിനിമയിലേയ്ക്കുള്ള വഴിതുറന്നുകൊടുത്തു.

1975 ൽ തോമശ്ലീഹ എന്നചിതത്തിലൂടെയാണ് അഗസ്റ്റിൻ സിനിമയിലേയ്ക്ക് പ്രവേശിക്കുന്നത്. 1986 ൽ ഗാന്ധിനഗർ സെക്കന്റ് സ്റ്റ്രീറ്റ് എന്ന സിനിമയിലൂടെയാണ് അഗസ്റ്റിൻ അറിയപ്പെടുന്ന നടനാകുന്നത്.  ഏകലവ്യൻ, കമ്മീഷണർ, ദേവാസുരം, ആറാംതമ്പുരാൻ, കാഴ്ച്ച, കഥപറയുമ്പോൾ തുടങ്ങി നൂറിലധികം ചിത്രങ്ങളിൽ അഗസ്റ്റിൻ അഭിനയിച്ചു. അവയിൽ ഭൂരിഭാഗവും വില്ലൻ വേഷങ്ങളും, കോമഡിവേഷങ്ങളുമായിരുന്നു. മിഴിരണ്ടിലും എന്ന സിനിമയുടെ നിർമ്മാതാവുകൂടിയായിരുന്നു അഗസ്റ്റിൻ.

2009 ൽ ഒരു സ്റ്റ്രോക്ക് വന്ന് കുറച്ചുകാലം കിടപ്പിലായെങ്കിലും അതിൽ നിന്നും രോഗമുക്തി നേടി അദ്ദേഹം വീണ്ടും അഭിനയം തുടർന്നു. 2013 ൽ ഒരു ഹോട്ടൽ റൂമിൽ വെച്ച് സംഭവിച്ച വീഴ്ച്ചയിൽ അഗസ്റ്റിൻ അസുഖം കൂടി ആസുപത്രിയിൽ ആവുകയും, ആ വർഷം നവമ്പറിൽ 14 ന് അന്തരിയ്ക്കുകയും ചെയ്തു. കടൽ കടന്നൊരു മാത്തുക്കുട്ടിയായിരുന്നു അഗസ്റ്റിൻ അവസാനമായി അഭിനയിച്ച സിനിമ. ഹൻസമ്മയാണ് അദ്ദേഹത്തിന്റെ ഭാര്യ. ചലച്ചിത്ര താരം ആൻ അഗസ്റ്റിൻ, ജീത്തു എന്നിവർ മക്കളാണ്.