ലാൽ ജോസ്
സംവിധായകൻ
മലയാള സിനിമയിൽ,ഇരുപത്തൊന്നാം നൂറ്റാണ്ടിന്റെ ആദ്യ പതിറ്റാണ്ടിലെ ജനപ്രിയ സംവിധായകരിൽ അഗ്രഗണ്യൻ.
കുഞ്ഞുണ്ണിമാഷിന്റെ സ്വദേശമായ വലപ്പാടാണ്(തൃശൂർ ജില്ല) ലാൽ ജോസ് ജനിച്ചത്. ഒറ്റപ്പാലം NSS കോളേജിൽ നിന്നും ബിരുദം പൂർത്തിയാക്കിയ ശേഷം സിനിമാ മോഹവുമായി ചെന്നൈയിലേക്ക് വണ്ടി കയറുകയായിരുന്നു.
കമലിന്റെ പ്രാദേശിക വാർത്തകളിലൂടെ സഹസംവിധായകനായി സിനിമയിലെത്തിയ ലാൽ ജോസ് പിന്നീട് അദ്ദേഹത്തിന്റെ 16 സിനിമകളിൽ അസിസ്റ്റന്റായിരുന്നു. കൂടാതെ തമ്പി കണ്ണന്താനം (മാന്ത്രികം), ലോഹിതദാസ് (ഭൂതക്കണ്ണാടി), ഹരികുമാർ, കെ കെ ഹരിദാസ്, വിനയൻ, നിസ്സാർ തുടങ്ങിയവരുടെ കീഴിലും പ്രവർത്തിച്ചിട്ടുണ്ട്. മലയാളത്തിലെ പേരെടുത്ത സഹ സംവിധായകരിൽ ഒരാളാണ്.
1998ൽ സ്വതന്ത്ര സംവിധായകനായ ലാൽ ജോസിന്റെ ആദ്യ ചിത്രം ഒരു മറവത്തൂർ കനവ് ആണ്. കേരള കഫേ എന്ന ആന്തോളജി സിനിമയിലെ പുറംകാഴ്ചകൾ എന്ന ലഘുചിത്രം സംവിധാനം ചെയ്തത് ഇദ്ദേഹമാണ്. 2012ൽ ഡയമണ്ട് നെക്ലസ് എന്ന ചിത്രത്തിലൂടെ നിർമ്മാണത്തിലേക്കും കൈവെച്ചു.
തന്റെ ബ്ലോഗിലൂടെയും സോഷ്യൽ മീഡിയയിലൂടെയും ഓൺലൈൻ ലോകത്തെ സജീവ സാന്നിദ്ധ്യമാണ് ലാൽ ജോസ്.
വെബ്സൈറ്റ്: http://www.laljosedirector.com/
കൗതുകങ്ങൾ
- ലാൽ ജോസായി തന്നെ അഭിനയിച്ച ചിത്രമാണ് റോക്ക് ആന്റ് റോൾ
- അഴകിയ രാവണൻ, ബെസ്റ്റ് ആക്ടർ തുടങ്ങിയ സിനിമകളിൽ ചെറുവേഷങ്ങളിൽ പ്രത്യക്ഷപ്പെട്ടിരുന്നു.
- സംവിധായകൻ എന്നതിനോടൊപ്പം അമൃതാ ടിവിയുടേ, സിനിമക്കകത്തും പുറത്തുമുള്ള കാര്യങ്ങളെ/ആളുകളെ പരിചയപ്പെടുത്തുന്ന ‘സിനിമാ കാഴ്ചകൾ’ എന്ന പ്രോഗ്രാമിന്റെ അവതാരകൻ കൂടിയാണ്.
- ലാൽ ജോസും നടൻ ദിലീപും ആത്മസുഹൃത്തുക്കളാണ്. ഇരുവരും ഒരേസമയത്ത് കമലിന്റെ ശിഷ്യരായിരുന്നു. ദിലീപിനെ ജനപ്രിയ സ്റ്റാർ എന്ന് വിശേഷിപ്പിക്കപ്പെടുന്നത് ലാൽജോസിന്റെ മീശമാധവനുൾപ്പെടെയുള്ള ചിത്രങ്ങളിലൂടെയായിരുന്നു.
- മീനത്തിൽ താലികെട്ട് എന്ന ചിത്രത്തിന്റെ കഥ രചിച്ചു
- കാവ്യാ മാധവൻ (ചന്ദ്രനുദിക്കുന്ന ദിക്കിൽ), ടെസ്സ (പട്ടാളം), സംവൃതാ സുനിൽ (രസികൻ), മുക്ത (അച്ഛനുറങ്ങാത്ത വീട്), മീരാ നന്ദൻ (മുല്ല), അർച്ചനാ കവി (നീലത്താമര), ആൻ അഗസ്റ്റിൻ(എത്സമ്മ എന്ന ആൺകുട്ടി), എന്നീ നായികമാരെ മലയാള സിനിമക്ക് നൽകിയത് ലാൽ ജോസിന്റെ സിനിമകളാണ്. കൂടാതെ ‘അറബിക്കഥ‘ എന്ന സിനിമയിലൂടെ ഴാങ്ങ് ച്യു മിൻ (Zhang Chu Min) എന്ന ചൈനീസ് നടിയേയും, ‘സ്പാനിഷ് മസാല‘ എന്ന ചിത്രത്തിലൂടേ ഡാനിയേല സാക്കേരി (Daniela Zacherl) എന്ന സ്പാനിഷ് നടിയേയും മലയാള സിനിമയിൽ അവതരിപ്പിച്ചു. യുവ നടൻ കൈലാഷിനെ നായകനാക്കിയതും ലാൽജോസിന്റെ ‘നീലത്താമര’ എന്ന ചിത്രമാണ്.
ചിത്രം: രാകേഷ് കോന്നി
സംവിധാനം ചെയ്ത സിനിമകൾ
ചിത്രം | തിരക്കഥ | വര്ഷം |
---|---|---|
സോളമന്റെ തേനീച്ചകൾ | പി ജി പ്രഗീഷ് | 2022 |
മ്യാവൂ | ഡോ ഇക്ബാൽ കുറ്റിപ്പുറം | 2021 |
നാല്പത്തിയൊന്ന് | പി ജി പ്രഗീഷ് | 2019 |
തട്ടുംപുറത്ത് അച്യുതൻ | എം സിന്ധുരാജ് | 2018 |
വെളിപാടിന്റെ പുസ്തകം | ബെന്നി പി നായരമ്പലം | 2017 |
നീ-ന | ആർ വേണുഗോപാൽ | 2015 |
വിക്രമാദിത്യൻ | ഡോ ഇക്ബാൽ കുറ്റിപ്പുറം | 2014 |
ഇമ്മാനുവൽ | വിജീഷ് എ സി | 2013 |
പുള്ളിപ്പുലികളും ആട്ടിൻകുട്ടിയും | എം സിന്ധുരാജ് | 2013 |
ഏഴ് സുന്ദര രാത്രികൾ | ജയിംസ് ആൽബർട്ട് | 2013 |
അയാളും ഞാനും തമ്മിൽ | ബോബി, സഞ്ജയ് | 2012 |
സ്പാനിഷ് മസാല | ബെന്നി പി നായരമ്പലം | 2012 |
ഡയമണ്ട് നെക്ലേയ്സ് | ഡോ ഇക്ബാൽ കുറ്റിപ്പുറം | 2012 |
എൽസമ്മ എന്ന ആൺകുട്ടി | എം സിന്ധുരാജ് | 2010 |
നീലത്താമര | എം ടി വാസുദേവൻ നായർ | 2009 |
കേരള കഫെ | എം പത്മകുമാർ, ശങ്കർ രാമകൃഷ്ണൻ, രാജേഷ് ജയരാമൻ, അഹമ്മദ് സിദ്ധിഖ്, അഞ്ജലി മേനോൻ, ബി ഉണ്ണികൃഷ്ണൻ, ജോഷ്വ ന്യൂട്ടൺ, ഉണ്ണി ആർ, ദീദി ദാമോദരൻ, ലാൽ ജോസ് | 2009 |
മുല്ല | എം സിന്ധുരാജ് | 2008 |
അറബിക്കഥ | ഡോ ഇക്ബാൽ കുറ്റിപ്പുറം | 2007 |
അച്ഛനുറങ്ങാത്ത വീട് | ബാബു ജനാർദ്ദനൻ | 2006 |
ക്ലാസ്മേറ്റ്സ് | ജയിംസ് ആൽബർട്ട് | 2006 |
അഭിനയിച്ച സിനിമകൾ
സിനിമ | കഥാപാത്രം | സംവിധാനം | വര്ഷം |
---|---|---|---|
ഒരു സർക്കാർ ഉത്പന്നം | ടി വി രഞ്ജിത് | 2024 | |
കുരുവി പാപ്പ | ജോഷി ജോൺ | 2024 | |
ഒരു തുള്ളി താപ്പാ | വിവേക് രാമചന്ദ്രൻ | 2023 | |
ചതി | ശരത്ചന്ദ്രൻ വയനാട് | 2023 | |
ഹയ | വാസുദേവ് സനൽ | 2022 | |
ഇമ്പം | ശ്രീജിത്ത് ചന്ദ്രൻ | 2022 | |
നിപ്പ | ബെന്നി ആശംസ | 2022 | |
ജിപ്സി | രാജു മുരുകൻ | 2021 | |
കുട്ടിയപ്പനും ദൈവദൂതരും | ഗോകുൽ ഹരിഹരൻ | 2020 | |
വരനെ ആവശ്യമുണ്ട് | ശിവപ്രസാദ് | അനൂപ് സത്യൻ | 2020 |
കിംഗ് ഫിഷ് | അനൂപ് മേനോൻ | 2020 | |
ഒരു നക്ഷത്രമുള്ള ആകാശം | ജോൺ പോൾ | അജിത് പുല്ലേരി, സുനീഷ് ബാബു | 2019 |
മൊഹബ്ബത്തിൻ കുഞ്ഞബ്ദുള്ള | ഷാനു സമദ് | 2019 | |
എന്റെ മെഴുതിരി അത്താഴങ്ങൾ | അഗസ്റ്റസ് തിയോഡോറസ് | സൂരജ് ടോം | 2018 |
എന്നാലും ശരത് | ബാലചന്ദ്ര മേനോൻ | 2018 | |
സൺഡേ ഹോളിഡേ | ഡേവിഡ് പോൾ | ജിസ് ജോയ് | 2017 |
ഓം ശാന്തി ഓശാന | ജേക്കബ് തരകൻ | ജൂഡ് ആന്തണി ജോസഫ് | 2014 |
നടൻ | ലാൽ ജോസ് | കമൽ | 2013 |
അഴകിയ രാവണൻ | സഹസംവിധായകൻ | കമൽ | 1996 |
സർഗ്ഗവസന്തം | ചിത്രപ്രദർശനം കാണാനെത്തുന്നയാൾ | അനിൽ ദാസ് | 1995 |
കഥ
ചിത്രം | സംവിധാനം | വര്ഷം |
---|---|---|
വിരൽതുമ്പിലാരോ | ഇസ്മയിൽ ഹസ്സൻ | 2004 |
ചന്ദ്രനുദിക്കുന്ന ദിക്കിൽ | ലാൽ ജോസ് | 1999 |
മീനത്തിൽ താലികെട്ട് | രാജൻ ശങ്കരാടി | 1998 |
തിരക്കഥ എഴുതിയ സിനിമകൾ
തലക്കെട്ട് | സംവിധാനം | വര്ഷം |
---|---|---|
കേരള കഫെ | രഞ്ജിത്ത് ബാലകൃഷ്ണൻ , എം പത്മകുമാർ, ശങ്കർ രാമകൃഷ്ണൻ, ഷാജി കൈലാസ്, ഉദയ് അനന്തൻ, അഞ്ജലി മേനോൻ, ബി ഉണ്ണികൃഷ്ണൻ, ശ്യാമപ്രസാദ്, അൻവർ റഷീദ്, രേവതി, ലാൽ ജോസ് | 2009 |
സംഭാഷണം എഴുതിയ സിനിമകൾ
തലക്കെട്ട് | സംവിധാനം | വര്ഷം |
---|---|---|
കേരള കഫെ | രഞ്ജിത്ത് ബാലകൃഷ്ണൻ , എം പത്മകുമാർ, ശങ്കർ രാമകൃഷ്ണൻ, ഷാജി കൈലാസ്, ഉദയ് അനന്തൻ, അഞ്ജലി മേനോൻ, ബി ഉണ്ണികൃഷ്ണൻ, ശ്യാമപ്രസാദ്, അൻവർ റഷീദ്, രേവതി, ലാൽ ജോസ് | 2009 |
നിർമ്മാണം
സിനിമ | സംവിധാനം | വര്ഷം |
---|---|---|
സോളമന്റെ തേനീച്ചകൾ | ലാൽ ജോസ് | 2022 |
നീ-ന | ലാൽ ജോസ് | 2015 |
KL10 പത്ത് | മു.രി | 2015 |
വിക്രമാദിത്യൻ | ലാൽ ജോസ് | 2014 |
ചീഫ് അസോസിയേറ്റ് ഡയറക്റ്റർ
തലക്കെട്ട് | സംവിധാനം | വര്ഷം |
---|---|---|
മാനസം | സി എസ് സുധീഷ് | 1997 |
അസോസിയേറ്റ് സംവിധാനം
തലക്കെട്ട് | സംവിധാനം | വര്ഷം |
---|---|---|
മീനത്തിൽ താലികെട്ട് | രാജൻ ശങ്കരാടി | 1998 |
ഉദ്യാനപാലകൻ | ഹരികുമാർ | 1996 |
കിരീടമില്ലാത്ത രാജാക്കന്മാർ | അൻസാർ കലാഭവൻ | 1996 |
സർഗ്ഗവസന്തം | അനിൽ ദാസ് | 1995 |
ശിപായി ലഹള | വിനയൻ | 1995 |
കൊക്കരക്കോ | കെ കെ ഹരിദാസ് | 1995 |
മാന്ത്രികം | തമ്പി കണ്ണന്താനം | 1995 |
സുദിനം | നിസ്സാർ | 1994 |
വധു ഡോക്ടറാണ് | കെ കെ ഹരിദാസ് | 1994 |
അസിസ്റ്റന്റ് സംവിധാനം
തലക്കെട്ട് | സംവിധാനം | വര്ഷം |
---|---|---|
കൃഷ്ണഗുഡിയിൽ ഒരു പ്രണയകാലത്ത് | കമൽ | 1997 |
ഈ പുഴയും കടന്ന് | കമൽ | 1996 |
അഴകിയ രാവണൻ | കമൽ | 1996 |
മഴയെത്തും മുൻപേ | കമൽ | 1995 |
ഭൂമിഗീതം | കമൽ | 1993 |
ഗസൽ | കമൽ | 1993 |
ചമ്പക്കുളം തച്ചൻ | കമൽ | 1992 |
എന്നോടിഷ്ടം കൂടാമോ | കമൽ | 1992 |
ആയുഷ്കാലം | കമൽ | 1992 |
പൂക്കാലം വരവായി | കമൽ | 1991 |
ഉള്ളടക്കം | കമൽ | 1991 |
വിഷ്ണുലോകം | കമൽ | 1991 |
പാവം പാവം രാജകുമാരൻ | കമൽ | 1990 |
ശുഭയാത്ര | കമൽ | 1990 |
അതിഥി താരം
തലക്കെട്ട് | സംവിധാനം | വര്ഷം |
---|---|---|
ഒരു മുത്തശ്ശി ഗദ | ജൂഡ് ആന്തണി ജോസഫ് | 2016 |
ബെസ്റ്റ് ആക്റ്റർ | മാർട്ടിൻ പ്രക്കാട്ട് | 2010 |
റോക്ക് ൻ റോൾ | രഞ്ജിത്ത് ബാലകൃഷ്ണൻ | 2007 |