ഉണര്‍ത്തുപാട്ട്

ഒരു ബ്രാഹ്മണനായ പിതാവ്, ഭാര്യ, മകൻ, മകൾ എന്നിവരടങ്ങുന്ന കുടുംബം. ഈ കുടുംബത്തിലെ അച്ഛൻ്റെയും മകൻ്റെയും ബന്ധത്തെയും അക്കാലത്തെ രാഷ്ട്രീയസാഹചര്യങ്ങളെയും പറ്റിപ്പറയുന്ന ചിത്രം.

അടിയന്തിരാവസ്ഥക്കാലത്ത് വിദ്യാർത്ഥിയായ മകൻ ചില സാഹചര്യങ്ങളിൽ  പോലീസിൻ്റെ കയ്യിൽ പെടുകയും തുടർന്ന് ആ യുവാവ് മരിക്കുകയും ചെയ്യുന്നു. അത് ആത്മഹത്യയാണെന്ന് ഭരണകൂടം പറയുന്നു.  യൗവനത്തിന്റെ ആദ്യഘട്ടത്തിൽ തൻ്റെ  ഏക മകന്റെ ദാരുണമായ വിയോഗം, അതും ഒരു ആത്മഹത്യയായിരിക്കാം എന്ന വാക്കുകൾ, ആ അച്ഛന് ഉൾക്കൊള്ളാൻ ആവുന്നില്ല.
തൻ്റെ മകൻ്റെ മരണകാരണം എന്തെന്ന് അന്വേഷിക്കാൻ അദ്ദേഹം ശ്രമിക്കുന്നു.  ആദ്ധ്യാത്മികതയും, നിയമവ്യവസ്ഥയിലെ രീതികളും  എല്ലാം ഇടകലർന്ന മാനസികാവസ്ഥയിലൂടെയാണ്  ഈ അന്വേഷണത്തിന് അദ്ദേഹം ഇറങ്ങുന്നത്. മരണം എന്ന സത്യവും, മനുഷ്യൻ്റെ  വ്യർത്ഥമായ മോഹങ്ങുമെല്ലാം പരാമർശിച്ചാണ് കഥ ഒരുക്കിയിരിക്കുന്നത്. സ്വന്തം മകൻ മരിച്ചതെങ്ങനെ എന്നറിയാനായി ശ്രമിച്ച്  മാനസികമായി തളർന്ന, തകർന്ന ഒരച്ഛൻ്റെ യാത്രകളാണ് ഈ ചിത്രം.