നീ-ന

മുംബൈ ആസ്ഥാനമായി പ്രവർത്തിക്കുന്ന ഒരു പരസ്യകമ്പനിയുടെ മേധാവിയായിരുന്ന വിനയ് പണിക്കർ കൊച്ചിയിലെ ബ്രാഞ്ചിലേക്ക് സ്ഥലം മാറ്റം വാങ്ങി ഭാര്യ നളിനിയും മകനുമടങ്ങുന്ന കുടുംബവുമായി കൊച്ചിയിൽ താമസമാരംഭിക്കുന്നു. കൊച്ചിയിലെ പരസ്യകമ്പനിയുടെ ക്രീയേറ്റീവ് ഡയറക്ടറായിരുന്ന ദീപ്തി എന്ന പെൺകുട്ടിയുടെ സൃഷ്ടികൾ വളരെ മികച്ചതെന്നു വിലയിരുത്തിയ വിനയ് കഴിവുറ്റവളായിരുന്ന നീന മദ്യത്തിനടിമയാണെന്ന് മനസിലാക്കുന്നു.സഹപ്രവർത്തകരുമായി അടുക്കാതിരുന്ന അവൾ വ്യക്തിപരമായ ഇഷ്ടത്തിനനുസരിച്ചു മാത്രമേ അവിടെ ജോലി ചെയ്തിരുന്നുള്ളു. വിനയോട് പ്രണയം തോന്നിയ നീന ഒരിക്കൽ ഒരു പാർട്ടിക്കിടയിൽ അവളുടെ പ്രണയം പ്രകടിപ്പിച്ചു. അസ്വസ്ഥനായി വീട്ടിലെത്തിയ വിനയ് ഭാര്യ കേൾക്കെ താൻ കുടുംബസ്ഥനാണെന്നും മറ്റൊരു ബന്ധത്തിന് താല്പര്യമില്ലെന്നും നീനയോട് ഫോണിലൂടെ കണിശമായി പറയുന്നു. അതിനു ശേഷം ആത്മഹത്യയ്ക്ക് ശ്രമിച്ച നീനയെ വിനയ് ആശുപത്രിയിൽ ചെന്നു കാണുന്നു. എത്രയും പെട്ടെന്ന് ഡി അഡിക്ഷൻ സെന്ററിൽ കൊണ്ടുചെന്നാക്കിയില്ലെങ്കിൽ നീന അപകടത്തിലാകുമെന്ന് ഡോക്ടർ നിർദ്ദേശിച്ചത് പ്രകാരം നീനയെ കൊണ്ടു പോകാൻ വിനയ് തീരുമാനിച്ചു. വേർപിരിഞ്ഞ നീനയുടെ മാതാപിതാക്കൾക്ക് അവളുടെ കൂടെ പോകാൻ സാധിക്കില്ലെന്നതിനാൽ നളിനിയുടെ സമ്മതത്തോടെ വിനയ് നീനയുടെ കൂടെ ഡി അഡിക്ഷൻ സെന്ററിൽ താമസിക്കുന്നു. അവിടുത്തെ താമസവും ചികിത്സയും നീനയ്ക്ക് വലിയ ബുദ്ധിമുട്ടുകളുണ്ടാക്കിയെങ്കിലും സാവധാനം അവൾക്ക് മാറ്റങ്ങളുണ്ടായി. എന്നാൽ വിനയ്ക്കാകട്ടെ അവിടെ താമസിക്കുന്ന കാലയളവിൽ നീനയോട് അടുപ്പം തോന്നുന്നു.