ലുക്കാ ചുപ്പി

രഘുറാം, സിദ്ധാർത്ഥ്‌, റഫീക്ക്, ബെന്നി ചാക്കോ, ഫാ സേവ്യർ, ആനി, രാധിക ഇവർ ഒരു കോളേജിൽ ഒന്നിച്ചു പഠിച്ചവരാണ്. ജീവിതത്തിന്റെ വിവിധ മേഖലകളിൽ തിരക്കും കുടുംബകാര്യങ്ങളുമായി കഴിയുന്ന ഇവർ പതിനഞ്ച് വർഷങ്ങൾക്ക് ശേഷം കാണുകയാണ്. കൂടെ ഭാര്യമാരുമുണ്ട്. ഫാ സേവ്യർ മുൻകൈ എടുത്താണ് ഓരോരുത്തരേയും കണ്ടു പിടിച്ച്‌ ഒരു സൗഹൃദ കൂട്ടായ്മ ഒരുക്കിയത്. കായൽ തീരത്തുള്ള ഒരു റിസോർട്ടിൽ അവർ ഒരുമിച്ച് കൂടി. കോളേജ് കാമ്പസിൽ അവരുടെ മനസിളക്കിയ രാധിക എന്ന സുന്ദരിയും അവരുടെ ഒപ്പം കൂടുന്നതോടെ തുടർന്നുള്ള ഏതാനും മണിക്കൂറുകളിൽ മാത്രം ഒതുങ്ങിയ ആ സൗഹൃദ കൂട്ടായ്മയിൽ ഉണ്ടാകുന്ന സംഭവ ബഹുലമായ മുഹൂർത്തങ്ങളാണ് ലുക്കാ ചുപ്പിയിൽ ഒരുക്കിയിരിക്കുന്നത്.