ഹരം

മെട്രോ നഗരത്തിലെ ഐ.ടി. പ്രൊഫഷണല്‍ രംഗത്തെ ഒരു ജീവനക്കാരനാണ്‌ ബാലു. നഗരത്തിലെ ഒരു കോള്‍ സെന്റര്‍ ജീവനക്കാരന്‍. ബാലുവും ഇഷയും കോള്‍സെന്ററില്‍ ഒരുമിച്ചാണ് ജോലി ചെയ്യുന്നത്. നഗരജീവിതത്തിന്റെ താളമേളങ്ങള്‍ ഏറെ ഇഷ്‌ടപ്പെടുന്നവരാണിവര്‍. ഒന്നിച്ച്‌ പ്രവര്‍ത്തിക്കുകയും സൗഹൃദം പങ്കിടുകയും ചെയ്യുന്നവര്‍ മാനസികമായും അടുക്കുന്നതിന്‌ ഇതു വഴിതെളിയിച്ചു. അവർ വിവാഹിതരാകുന്നു . എന്നാൽ വിവാഹത്തിനു ശേഷമാണ്‌ ഇരുവരുടെയും ജീവിതത്തില്‍ പൊരുത്തക്കേടുകള്‍ സംഭവിക്കുന്നത്‌. വിവാഹത്തിനു മുമ്പുണ്ടായിരുന്ന 'ഹരം' അവര്‍ക്കില്ലാതാവുന്നതോടെ പലപ്പോഴും അത്‌ അവരുടെ ജീവിതത്തില്‍ താളപ്പിഴകള്‍ക്കും കാരണമാകുന്നു. പിന്നീട്‌ അവരുടെ ചിന്തകള്‍ എങ്ങനെ വേര്‍പിരിയാം എന്ന നിലയിലേക്ക് പോകയാണ്. ഈ ചിത്രത്തെ മുന്നോട്ട്‌ നയിക്കുന്നതും ഈയൊരു സാഹചര്യമാണ്. ബാലുവിന്റെയും ഇഷയുടെയും കഥ പറയുന്നതോടൊപ്പം മൂന്നുപേരടങ്ങുന്ന മറ്റൊരു ഗ്യാങ്ങിന്റെ കഥകൂടി ഈ ചിത്രത്തിൽ പറയുന്നുണ്ട്‌.